Xa estamos de novo por aquí… canto vos botamos de menos! Que rápido pasou o tempo dende o Nadal! Xa estamos no Entroido e toca poñer as nosas mellores galas… ou as máis divertidas!!
Algunhas e algúns de nós non estabamos seguros de se podiamos ir disfrazados pero non pasou nada porque os nosos amigos do Nadal (Harry Potter, Mickey Mouse, o Grinch…) deixáronnos moitos complementos para nos converter en Elsas, Spidermans, piratas, fadas, porquiños e unha chea de cousas máis. E, por se fose pouco, deixáronnos tres xoguiños do Entroido: un memori, un bingo e outro de facer caretas. Molaron un montón porque coñecemos moitos dos personaxes das diferentes tradicións de Galicia…o Boteiro, os Xenerais do Ulla, as Pantallas, as Máscaras, os Peliqueiros, as Pitas… había moitísimos pero sen dúbida, o que máis nos encantou foi botar a partida ó bingo entre todas … estivo moi igualada a cousa e despois de cantar algunhas liñas, chegou o vitoreado BINGOOOOO!!!
Despois da merenda aínda nos quedaban forzas para xogar ó “Pillapeliqueiro”. Tivemos que correr moito para que non nos pillase, menos mal que o delataban os seus cascabeis e podíamos escapar cando os oiamos … pasámolo pipa!! Agardaremos a mañá a ver que máis nos teñen preparado…
Comentarios recentes