Menos mal que fixemos o paseo da fama porque non sabedes a de celebridades que nos visitaron…!
O mesmísimo Harry Potter entrou pola porta o mércores e trouxo consigo unha chea de xogos que nos deixaron alucinando…coa súa maxia (e coa nosa tamén) fixemos neve, pócemas secretas para atravesar paredes e e voar e ata descubrimos imaxes invisibles cunha lanterna …
Ó día seguinte como Harry o pasou tan ben, falou co seu amigo Mickey Mouse para que tamén viñese ó lúdico e sen pensalo apareceu aquí pero cando chegou non falaba porque contounos que fai moitos, moitos anos as súas películas eran sen voz…cine mudo ou algo así lle chamou…tamén nos trouxo unha chea de xoguiños: un bingo de emocións, puzzles, xogos de buscar as diferenzas e tamén nos puxo a misión de atopar polo cole a todos os seus compis que estaban escondidos: Minnie, o Pato Donald, Goofy, Pluto, Daysi… Ademais, para rematar o día, fixemos unha votación para decidir cómo íamos vir o último día do ano do lúdico…tiña que ser especial porque íamos facer as nosas propias badaladas! E ante un presidente, un secretario e unha vogal na mesa, saíu gañadora a opción de vir disfrazados!
Chegou o gran día! pronto nos puxemos mans á obra cos ensaios para a gran celebración e logo de pasar moitos nervios tomando un gusanito por cada badalada comezou o espectáculo! Houbo de todo; bailes, cancións, trucos de maxia e ata experimentos…pasámolo pipa!
E seguro que pensades que xa non podía vir ninguén máis pero deixáronnos unha sorpresa na aula: unha mensaxe comezou a soar no ordenador e cando a abrimos apareceron na pantalla Geppetto e Pinocho!! Dicían que nos deixaran nalgún lado materiais para crear os nosos propios xoguetes!! Corremos a buscalos e había un montón de cousas, fixemos flores con oveiras, traumatropos chulísimos con cartóns e gomas, cartóns para facer un photocall…convertémonos en verdadeiros artistas!!
Estamos tan contentas e contentos que non queremos que isto acabe nunca!
Que ganas de que chegue mañá e ver quen vén a visitarnos…! Estade atentos se queredes saber máis…
Comentarios recentes