Patrulla Ecolóxica

Bo día familias!

Hoxe volveron aparecer en acción as superheroínas da Patrulla Ecolóxica. Viñan con intención de botar unha ollada sobre a nosa labor como patrulleiras e seica o fixemos bastante ben…clasificamos lixo, reciclamos, reutilizamos creando xoguetes con material de refugallo… Todo isto utilizando os poderes que as heroínas nos ensinaron o primeiro día: a supervisión (detectando lixo tirado alá por onde imos), superrapidez (correndo veloces a recollelo), supercreatividade (buscándolle unha segunda vida ás cousas)…

Pero de súpeto, chegaron outras dúas super heroínas decíndonos que nos faltaban super poderes para ser verdadeiras patrulleiras; os dos sentidos! Para poder sentir a natureza en todo o seu esplendor!

En seguida nos puxemos a practicar superando varias probas: memory sonoro, adiviñar imaxes a través do tacto e recoñecer olores cos ollos pechados.

Agora si que somos verdadeiras patrulleiras ecolóxicas!