Comeza o nadal!!

Ola familias, canto tempo sen pasar por aquí!!! Chegou o lúdico que máis ilusión nos fai porque é Naaaaaadaaaaaaaaaaal e somos moi felices nesta época do ano. Comezamos o día falando de que nos trouxo Papá Noel, houbo dende bonecas a cámaras de fotos, portámonos xenial porque nos trouxeron unha chea de cousas! Despois disto, as monitoras contáronnos un conto un pouco especial, porque as súas personaxes facíanse realidade, viñeron Elsa e Eep e ata Mérida de Brave. No conto decíannos que neste lúdico iban a vir personaxes de cine súper, súper, súper famosas, flipamos! Ogallá veñan Sonic, o Grinch, Harry Potter, Spiderman, Bracaneves…que ganas de descubrilo!! Despois como van vir celebridades quixemos facer un paseo da fama como o de Hollywood, porque nós tamén somos importantes e queríamos ter a nosa estrela para pisar con seguridade e firmeza. Así que puxémonos mans á obra! Utilizamos material de refugallo, brillis brillis, limpiapipas, cartolinas de moitas cores…quedaron chulísimas! Tanto traballar entrounos a fame e fomos merendar! Que ben nos prestou porque collemos forzas para poder xogar no patio. Rematamos o día xogando a un xogo que escollimos todas as nenas: un Papá Noel esperta!!! Quen virá mañá?? Estamos ansiosas por sabelo! Deica logo!