Non sabemos que pasou pero así sen darnos conta chegou o verán sen avisar!! E claro, tivemos que poñernos mans á obra para recibilo como se merece!!
Démoslle a benvida con música e bailes de tiburóns, cangrexos, moscas e un montón de bechiños. Tamén tivemos que correr tralas nubes para atrapalas e que se quede o sol por moitos días para facer cousas tan chulis como experimentar cunhas flores e bloques súper especiais de cores que deixan pasar a luz e crean imaxes alucinantes! E como non podía ser doutra maneira, fixemos, nun encerado xigante, un mural entre todas na honra da nosa estación favorita!
E chegou o momento da merenda pero decatámonos de que non tíñamos onde tirar o lixo… Así que ocorréusenos facer os nosos propios vertedoiros con debuxos amarelos, verdes e azuis para identificar onde tirar cada cousa porque como sabemos todos, é moi importante reciclar!
Rematamos o día moi cansos pero con moitas ganas de saber qué nos deparará o día de mañá! Estades atentas que vos iremos informando!
Deica loguiño!
Comentarios recentes