Esta semana celebramos a cerimonia de apertura dos Xogos Olímpicos Intergalácticos de Ames 2021. Os anfitrións máis pequenos de Ventín tiveron a honra de recibir aos representantes das delegacións dos planetas participantes neste sonado e intergaláctico evento. O comité organizador preparou a cerimonia de benvida, confeccionou a alfombra floral pola que desfilaron as diferentes delegacións, escolleu a mascota olímpica, fabricou os trofeos a entregar e mesmo deseñou as probas a realizar tendo en conta a diversidade funcional de cada un dos seres participantes.
As diferentes probas (forza, velocidade, axilidade, salto, coordinación e cooperación) desenvolveranse ao longo das próximas xornadas.
O comité organizador deséxalles moita sorte a todos os seres participantes e lémbralles que nestas olimpiadas só cooperando sairán victoriosos!
Comentarios recentes